GLEILEGA PSKA 2013

er alveg einstaklega yndislegum og slrkum pskum a ljka og margir kannski komnir me alveg ng af mat eftir alla essa htisdaga. g tla n samt

Frttir

GLEILEGA PSKA 2013
Stra & sntt slunni - Olga Hrund - Lestrar 949 - Athugasemdir (0)

Þá er alveg einstaklega yndislegum og sólríkum páskum að ljúka og margir kannski komnir með alveg nóg af mat eftir alla þessa hátíðisdaga. Ég ætla nú samt að setja hér inn einn pistil með því sem við systur ætlum að bjóða fjölskyldunni upp á nú á annan í páskum.

Við ætlum að byrja á því að gera mjög girnilega uppskrift af kjúklingabringum í teriyaki – og sesam legi sem að við sáum hjá Pjattrófunum og ég get sagt ykkur það bringurnar eru að marinerast í leginum núna og lyktin er alveg guðdómleg. Í eftirrétt verður boðið upp á dásemdardýrðar köku sem við systur fengum hjá bróðurdótturinni í Köben í mars og ég er gjörsamlega búin að vera með á heilanum síðan.

Og ykkur að segja þá gerðist svolítið merkilegt í dag; ég nefnilega bakaði. Því það er  þannig að Anna Heba er bakarinn í okkar lífi, eins og ég hef sagt áður, en nú er bara svo mikið að gera í lærdómnum hjá greyinu að ég neyddist til að fara út fyrir þægindasviðið og baka sjálf. Ég hafði reyndar Önnu Hebu mér til halds og trausts svo vonandi klúðraði ég þessu ekki of mikið – það styttist í að það komi í ljós því kakan er í ofninum núna en lyktin lofar að minnsta kosti mjög góðu. Þetta er nú kannski meira svona kaka með sunnudagskaffinu en mér finnst hún svo góð að mín vegna má bjóða upp á hana hvaða dag sem er, á hvaða tíma sem er. Og þar sem ég er byrjandabakari þá bara tók þetta aðeins lengri tíma hjá mér en öðrum mér vanari ;)

En hér kemur uppskriftin sem var tekin af www.pjattrofurnar.is:

Teriyaki sesam kjúklingur

  • 1pk kjúklingabringur
  • 2dl Terriyaki sósa
  • 1dl Soya sósa
  • 4 rif hvítlaukur (rífið niður með rifjárni)
  • 5cm Engiferrót (rífið niður með rifjárni)
  • 1 stk límóna (safinn úr henni)
  • 1-2 msk Sesamfræ

Byrjið á því að útbúa löginn en kjúklingurinn þarf að liggja í honum í það minnsta 2-3 tíma í ísskáp áður en hann er eldaður. Gott er að útbúa löginn kvöldið áður og leyfa kjúklingnum að liggja yfir nótt í ísskáp.

Brúnið síðan kjúklingabringurnar á pönnu og setjið svo í eldfast mót  inn í ofn, 180 gráður í 25-30 mínútur

Gott er að hafa t.d. hrísgrjón og salat með þessum rétti og örugglega ekkert verra að hafa smá ískalt og hvítt með.

Og hér er uppskriftin af dásemdinni hennar Höllu, ég man ekkert hvar hún fann hana en fyrir mér á hún hana skuldlaust. Uppskriftin sem hún fann var líka með ferskjum í stað epla og hindberja og þetta er þannig uppskrift að það má svo sem nota hvaða ávexti sem er. Halla Marín notaði fersk hindber en mér datt ekki í hug að kaupa mygluð hindber á hátt í þúsund krónur hér í bæ svo að ég notaði hindberjasultu í staðinn. Stundum verður maður bara að gefa smá eftir, þó ekki sé með glöðu geði.

Hindberjaeplasælan hennar Höllu Marínar

2 bollar hveiti
1 og ½ bolli sykur
1 bolli sýrður rjómi
½ bolli smjör
2 egg
1 tsk lyftiduft
½ tsk salt
1 tsk vanilludropar
1 tsk kanill
1 epli
hindber / hindberjasulta í neyð
1 poki valhnetur

Á leið inn í ofninn

1. Stillið ofninn á 180 gráður og smyrjið kökuform. Skerið eplið í skífur og saxið valhneturnar.
2. Blandið saman hveiti, lyftidufti og salti í skál.
3. Þeytið saman smjörinu og einum bolla af sykri með handþeytara/í hrærivél í nokkrar mínútur. Lækkið hraðann og bætið eggjunum við, einu í einu. Bætið sýrða rjómanum og vanilludropunum saman við og blandið með þeytaranum/hrærivélinni þangað til blandan er mjúk og fín. Síðan blandið þið þurrefnunum hægt og hægt saman við blönduna meðan þið þeytið/hrærið.
4. Blandið saman kanilnum og restinni af sykrinum í litla skál.
5. Hellið helmingnum af blöndunni í kökuformið, dreifið hindberjunum ofan á og loks helmingnum af kanilsykrinum. Restin af deigblöndunni fer ofan á og svo er eplaskífunum raðað fallega á. Afganginum af kanilsykrinum er dreift yfir og loks er valhnetunum einnig stráð yfir.
6. Bakið í 50 mínutur á undir og yfir hita og þegar sá tími er liðinn stillið þið á blástur og bakið í 10 mínutur í viðbót.

 Ég vona að þið séuð öll búin að eiga ljúfa páska með vinum og vandamönnum hér í sælunni sem og um víða veröld!


Engar umrur fundust fyrir essa frtt.

Skrifa athugasemd




captcha

  • Herna

640.is | byrgarmaur Hafr Hreiarsson | vefstjori@640.is | Smi: 895-6744