Stelpurnar byrja með látum í Lengjubikarnum

Hafrún skoraði fjögur.

Völsungsstelpurnar hófu keppni í Lengjubikarnum í gær þegar þær sóttu lið Fjarðarbyggðar/Leiknis heim í höllina þeirra á Reyðarfirði. Liðin eru öðrum riðli C-deildar ásamt Sindra, Tindastól/Neista, Hetti og Draupni.

Það er skemmst frá því að segja að Völsungar völtuðu yfir heimamenn og lokatölur leiksins urðu 6-0. Mörk Völsunga skoruðu þær Hafrún Olgeirsdóttir, sem skoraði fjögur, Sigrún Lilja Sigurgeirsdóttir og Heiðdís Hafþórsdóttir eitt mark hvor.

Næsti leikur stelpnanna er sunnudaginn 11. apríl er þær mæta Hetti í Boganum á Akureyri en þar leika Völsungar heimaleiki sína.

Hér er hægt að skoða myndir frá leiknum.