Nýr leikmaður til Völsunga

Marko Blagojevic

Nýr varnarmaður er genginn til liðs við Völsunga. Sá heitir Marko Blagojevic og er fæddur 21.ágúst 1985.

Hann kemur til okkar frá heimalandi sínu Serbíu en hann spilaði í 2.deildinni á Íslandi árin 2008 og 2009, þá með Víði í Garði. Með þeim spilaði hann 37 deildar- og bikarleiki og skoraði í þeim 4 mörk. Hann er miðvörður og í kringum 1,85 meter á hæð.

Vel var látið af Marko á meðan hann spilaði með Víði og það er vonandi að hann reynist Völsungum vel. Við bjóðum Marko velkominn í hópinn og til Húsavíkur!