Norðanstúlkur sigruðu KR í VISA bikarnum.

Mjöll stóð í marki norðanstúlkna.

Lið Þórs/KA/Völsungs í 2. flokki sigraði KR á Þórsvellinum í kvöld. Leikurinn sem er í VISA bikarnum fór 4-2 og skoraði Berglind Ósk Kristjánsdóttir eitt marka norðanstúlkna. Völsungar áttu sjö leikmenn í hópnum og þar af fimm í byrjunarliðinu.

Þær sem voru í hópnum auk Berglindar eru Hafrún Olgeirsdóttir, Elva Marý Baldursdóttir, Guðlaug Sigríður Magnúsdóttir og Mjöll Einarsdóttir sem byrjuðu inná. Þær Gígja Valgerður Harðardóttir og Ragna Baldvinsdóttir hófu leikinn á bekknum en komu inná þegar líða tók á seinni hálfleikinn.