Heilbrigðisstofnun Norðurlands á Húsavík færðar góðar gjafir

Athöfnin fór fram á Skógarbrekku.

Í dag afhenti Styrktarfélag HSN á Húsavík heilbrigðisstofnunni formlega hjartalínurittæki, Thermoscan eyrnahitamæli og blóðþrýstingsmæli að göf.

Andvirði þessara tækja er rúmar tvær milljónir.

Athöfnin fór fram á Skógarbrekku og kom m.a fram í máli Auðar Gunnarsdóttur formanns styrktarfélagsins að gjöf þessi er fjármögnuð með hluta af gjafafé sem heiðurshjónin Kristín A. Þórðardóttir og Kjartan Jóhannesson gáfu sjóðnum í fyrra.

Og það á eftir að koma meira í þeirra nafni á næstu mánuðum því þetta var vegleg gjöf sagði Auður um leið og hún afhenti Ásgeiri Böðvarssyni lækni gjafabréfið fyrir gjöfinni sem hann og þakkaði kærlega fyrir.

Frá athöfninni í Skógarbrekku í dag, fv. Ásgeir Böðvarsson læknir, Unnsteinn I. Júlíusson læknir, Guðrún K. Aðalsteinsdóttir ritari styrktarfélagsins, Jóhanna S. Kristjánsdóttir hjúkrunarfræðingur, Áslaug Halldórsdóttir hjúkrunarfræðingur, Kristín Arinbjarnardóttir gjaldkeri styrktarfélagsins og Auður Gunnarsdóttir formaður styrktarfélagsins. Fyrir framan hana standa Kristín A. Þórðardóttir og Kjartan Jóhannesson oftast kennd við Þórðarstaði.

Með því að smella á myndina er hægt að skoða hana í stærri upplausn.