Völsungur úr leik í Kjörísbikarnum

Blaklið Völsungs tók á móti Þrótti Nes í síðasta leik í 8 liða úrslitum í Kjörísbikar kvenna í Íþróttahöllinni í gærkveldi.

Völsungur byrjaði leikinn vel og unnu fyrstu hrinu 25-22 en þá snéri Þróttur Nes leiknum við og tóku næstu þrjár hrinur 25-14, 25-19 og 25-19 og leikinn því 3-1. Völsungur þar með úr leik en Þróttur Nes fer í undanúrslitin.

Stigahæst í leiknum var Ana Maria Vidal Bouza leikmaður Þróttar Nes með 23 stig, stigahæst í liði Völsungs var Michelle Traini með 16 stig. 

Liðin mættust einnig í Mizunodeildinni sl. sunnudag og Þróttur Nes fór með sigur í leiknum 3-2 (25-19, 24-26, 25-22, 18-25, 15-5). Völsungur hefur heldur betur verið að sækja í sig veðrið í undanförnum leikjum en situr í neðsta sæti deildarinnar með sex stig. (blakfrettir.is)

Hér að neðan eru myndir sem ljósmyndari 640.is tók á leiknum og með því að smella á þær er hægt að fletta þeim og skoða í stærri upplausn.

Michelle Traini með var stigahæst Völsunga með 16 stig.