Völsungur sigraði Hött á Skírdag

Alli Jói skoraði þriðja mark Völsunga.

Meistaraflokkur karla í knattspyrnu lék gegn Hetti í Lengjubikarnum á Skírdag.

Leikið var á Fellavelli í Fellabæ en liðin eru í 4. riðli B deildar Lengjubikarsins.

Ásgeir Kristjánsson kom Völsungum yfir á 18. mín. leiksins og í upphafi síðari hálfleiks bætti Jóhann Þórhallsson öðru við.

Heimamenn minnkuðu muninn þegar stundarfjórðungur var liðinn af síðari hálfleik en Aðalsteinn Jóhann Friðriksson jók forystu þeirra grænu á 72. mínútu. 

Heimamenn náðu að krafsa í bakkann á 84. mínútu með sjálfsmarki gestanna og þar við sat.

Hér má lesa leikskýrslu á vef KSí

Staðan í riðlinum