Völsungur í fimmta sæti á Kjarnafæðismótinu

11. feb

Völsungur í fimmta sæti á Kjarnafæðismótinu
Íþróttir - - Lestrar 337

Aðalsteinn Jóhann Friðriksson.

Völsungur tryggði sér 5.sætið í Kjarnafæðismótinu um helgina þegar þeir lögðu Þór2 að velli með tveimur mörkum gegn einu.

Völsungar byrjuðu betur og skoruðu fyrsta markið á 6 mín. eftir klafs inn í vítateig Þórsara náði Aðalsteinn að koma boltanum í netið. Á 12 mín. náðu Völsungar að skora sitt annað mark eftir klaufagang í vörn Þórs náði Sæþór Olgeirsson boltanum fyrir utan teig, lék á varnarmann og hamraði boltanum uppí hægra hornið, glæsilegt mark.

Þórsarar vöknuðu aðeins við markið og fengu ágætt færi á 28 mín. eftir hornspyrnu en yfir fór boltinn. Á 37 mín. fengu Völsungar aukaspyrnu rétt utan teigs við endalínu, sendingin rataði á kollinn á Bergi sem skallaði í þverslá. Það var svo í uppbótartíma 45+1 að Þórsarar náðu að skora en þá gerði Aron Ingi mjög vel þegar hann tók við boltanum inní teig Völsungs og þrumaði honum í netið. Staðan í hálfleik 1-2.

Seinni hálfleikur var ekki eins fjörugur og sá fyrri en áfram voru það leikmenn Völsungs sem fengu hættulegri færi en Þórsarar. Á 56 mín. komst Jónas einn gegn markverði Þórs en skotið var hárfínt yfir. Á 60mín var Aðalsteinn óheppinn að ná ekki fyrirgjöf inní markteig Þórsara. Hættulegasta færi Völsungs fékk Aðalsteinn en skot hans endaði í hliðarnetinu. Á lokamín áttu Þórsarar ágætisskot að marki sem Snæþór náði ekki að halda en hann varfljótari en sóknarmenn Þórsara og ekkert varð úr. Völsungar unnu því 2-1 sigur og enduðu í 5.sæti mótsins.

Maður leiksins Aðalsteinn J. Friðriksson (Völsungur)

kdn.is

« Til baka