Völsungur gerði jafntefli við Þór2

Bjarki Baldvinsson.

Kjarnafæðismótið í knattspyrnu sem Knattspyrnudómarafélag Norðurlands stendur fyrir hófst um helgina í Boganum á Akureyri.

Völsungar hófu leik í gær þegar þeir gerðu jafntefli við Þór2 sem er skipað leikmönnum úr 2. flokki Þórs.

Hér kemur umfjöllun um leikinn sem finna má á heimasíðu Knattspyrnudómarafélags Norðurlands:

Leikið var í Kjarnafæðismótinu í dag í Boganum og mættust þar Þór2 og Völsungur. Þórsarar byrjuðu leikinn af heldur meiri krafti og á 17. mín. áttu þeir hörku skalla eftir hornspyrnu en hann fór naumlega yfir. Eftir þetta komu Völsungar meira inn í leikinn og ógnuðu marki Þórs á 26. mín. með skalla rétt framhjá eftir fyrirgjöf.

Á 30. mín. kemst Völsungur svo yfir með marki Bjarka Baldvinssonar þar sem hann laumaði sér á fjarstöng eftir fyrirgjöf og renndi boltanum í netið. Fátt fleira markvert gerðist fram að hálfleik þar sem Völsungur var þó öllu sterkari.

Í seinni hálfleik byrja Völsungar betur og ógna marki þórs nokkuð og eiga ágætis skalla að marki Þórs á 53. mín. eftir fyrirgjöf en rétt yfir. Völsungur átti síða hættulegt skot í vítateig Þórsara en boltinn endaði í baki varnarmanns. Eftir að Völsungar hafi verið heldur meira með boltan framan af hálfleiknum komu Þórsarar heldur til baka og það skilaði jöfnunarmarki á 79.mín. Þórsarar fá þá hornspyrnu þar sem Fannar Daði stökk hæst í teignum og skallaði boltan í fjærhornið.

Ekkert markvert gerðist það sem eftir lifði leiks.

Áhorfendur: 65

Maður leiksins: Ísak Kárason (Þór2)