Völsungar fjölmenna á öldungamótið í blaki

29. apr

Völsungar fjölmenna á öldungamótið í blaki
Íþróttir - - Lestrar 555

Hið árlega Íslandsmót í blaki öldunga fer fram í Neskaupsstað dagana 30. apríl – 2. maí nk.

Öldungamót í blaki var fyrst haldið árið 1976 með þátttöku 11 liða en í ár eru 133 lið skráð til leiks. Keppt er í 13 deildum í kvennaflokki og 6 deildum karla, en sjö lið eru í hverri deild

Keppendur frá Völsungi eru fjölmennir að vanda, þrátt fyrir einhver meiðsli sem hafa verið að hrjá leikmenn. Völsungur er með eitt karlalið sem spilar í 2. deild og kvennalið Völsungs eru sex talsins. Stelpurnar spila í 1. deild, 2. deild, 5. deild, 8. deild og 12. deild.

Til þess að öðlast keppnisrétt í öldungablakinu þarf leikmaður að vera 30 ára eða eldri. Völsungar hafa verið að æfa þrisvar sinnum í viku, mánudaga og miðvikudaga og á sunnudögum blandast hópurinn saman en iðkendur eru ríflega fimmtíu, þegar enginn er á meiðslalista.

Þjálfarar eru Bjarni Páll Vilhjálmsson, Jóhanna Guðjónsdóttir og Valgeir Páll Guðmundsson.

Nánar verður hægt að fylgjast með fréttum af mótinu á vefsíðu blaksambandsins HÉR.

« Til baka