Völsungar bundu enda á þriggja ára sigurgöngu Nes

Sigurvegararnir ásamt mótssjóra.

Kristbjörn Óskarsson hafði sigur í 1. deild Íslandsmóts ÍF í einliðaleik sem fram fór á Seyðisfirði um helgina.

Þar með batt boccialið Völsungs enda á þriggja ára sigurgöngu boccialiðs Nes í 1. deildinni.

Þá hafnaði Stefán Thorarensen, Akur, í 2. sæti og sveitungi hans Vignir Hauksson úr Eik í 3. sæti.

Það má því segja að þetta hafi verið hreinn og klár norðlenskur stórsigur í 1. deildinni þetta árið.

Íþróttafélagið Viljinn sá um framkvæmd mótsins og gerði það með miklum sóma við harða keppni þar sem fjöldi glæstra tilþrifa litu dagsins ljós. Um 200 keppendur voru skráðir til leiks og fóru leikirnir fram í gær og í dag en mótinu lýkur með veglegu lokahófi í íþróttamiðstöð Seyðisfjarðar.

Öll úrslit í bæði riðlum og lokaúrslit má finna hér

Sigurvegarar í 1. deild ásamt Sigurði Valdimarssyni mótsstjóra. Frá vinstri, Sigurður Valdimarsson, Stefán Thorarensen, Kristbjörn Óskarsson og Vignir Hauksson.  

Myndin er fengin af heimasíðu Íþróttasambands fatlaðra.

Völsungarnir Jóna Rún Skarphéðinsdóttir og Hildur Sigurgeirsdóttir.

Lj. Anna María Þórðardóttir.

Völsungarnir á Íslandsmótinu á Seyðisfirði. 

Ljósmynd Sólveig Sigurðardóttir.

Með því að smella á myndirnar er hægt að skoða þær í stærri upplausn.