Vistvæna framtíðarskipið RENSEA verðlaunað

Rensea 3G.

Í gær afhenti Ragnheiður Elín Árnadóttur iðnaðar- og við-skiptaráðherra forsvarsmönnum Rensea sigurverðlaunin í hugmyndasamkeppni um vistvænt skip.

Sig­ur­til­lag­an Ren­sea 3G er fjöl­nota vist­vænt framtíðar­skip með mik­il segl sem fanga bæði vind- og sól­ar­orku – og til vara vél sem geng­ur fyr­ir um­hverf­i­s­væn­um orku­gjöf­um.

Verðlauna­af­hend­ing­in fór fram á ráðstefn­unni „Mak­ing Ma­ritime App­licati­on Greener – 2016“ sem hald­in var á Grand hót­eli.

Hvala­skoðun­ar­fyr­ir­tækið Norður­sigl­ing er eitt af þeim fyr­ir­tækj­um sem standa að baki Nord­sea en síðustu tvö ár hef­ur fyr­ir­tækið þróað um­hverf­i­s­vænt kerfi í tvö af hvala­skoðun­ar­skip­um sín­um. Auk Norður­sigl­ing­ar stend­ur Íslensk NýOrka að sig­ur­til­lög­unni auk fyr­ir­tækja frá Nor­egi, Svíþjóð, Englandi og Sviss.

Hafið – önd­veg­is­set­ur um sjálf­bæra nýt­ingu og vernd­un hafs­ins, átti til­lög­una sem hreppti annað sætið en það var hönn­un á vist­vænu 48 metra fiski­skipi sem geng­ur fyr­ir raf­orku frá raf­geym­um og met­anóli af end­ur­nýj­an­leg­um upp­runa.

Að auki voru tvær aðrar til­lög­ur kynnt­ar á ráðstefn­unni; hug­mynd frá Navis ehf. um vist­vænt skip og hug­mynd frá Skipa­sýn að fjöl­nota veiðiskipi.

Ein mik­il­væg­asta áskor­un­in í sjáv­ar­út­vegi og ann­arri haf­tengdri starf­semi er að gera skip og skipa­sigl­ing­ar um­hverf­i­s­vænni – hafið tek­ur nefni­lega ekki enda­laust við. Tak­markið með hug­mynda­sam­keppn­inni var að leita leiða til að draga úr um­hverf­isáhrif­um skipa­út­gerðar og bár­ust alls 16 til­lög­ur.

Að baki keppn­inni stóðu Íslenski sjáv­ar­klas­inn, at­vinnu­vega- og ný­sköp­un­ar­ráðuneytið og Íslensk NýOrka.

Sig­ur­veg­ar­arn­ir tóku við verðlaun­um úr hendi Ragn­heiðar El­ín­ar Árna­dótt­ur. 

Ljósmynd. Atvinnuvegaráðuneytið