Vel tekið á móti Villa Páls

Fjölmenni tók á móti nýja björgunarsveitarbátnum.

Fjöldi fólks var mætt á Hafnar-stéttinni í gær til að taka á móti björgunarbátnum Villa Páls sem kom þá í fyrsta skipti til heima-hafnar á Húsavík.

Villi Páls er í eigu Björgunar-sveitarinnar Garðars og nefndur eftir einum af stofnendum hennar, Vilhjálmi Pálssyni.

Nafnið var valið eftir nafnasamkeppni og þykir vel við hæfi en Villi Páls var formaður Björgunarsveitarinnar Garðars í 22 ár.

Báturinn er frá bátasmiðjunni Rafnari og var skrokkur hans smíðaður af tyrkneskum undirverktökum bátasmiðjunnar eftir teikningu Rafnars. 

Ekið var með Villa Páls frá Reykjavík til Akureyrar þaðan sem honum var siglt til Húsavíkur. Björgunarskip Landsbjargar, Sigurvin frá Siglufirði, sigldi með Villa Páls yfir Skjálfandaflóa og að bryggju á Húsavík.

Hátíðleg athöfn var við komuna en þar fluttu Hjálmar Bogi Hafliðason forseti sveitarstjórnar Norðurþings og Jón Gunnarsson fyrrum dómsmálaráðherra ræður og að þeim loknum blessaði Sr. Sólveig Halla Kristjánsdóttir bátinn.

Þaðan var skundað í Naust þar sem gesta beið hlaðborð veitinga.

Hér að neðan er myndasyrpa sem ljósmyndari 640.is tók í gær og með því að smella á myndina er hægt að fletta þeim og skoða í hærri uplausn.

Farið var á Jóni Kjartanssyni til móts við nýja bátinn.

Villi Páls á siglingu á Skjálfanda.

Björgunarsveitarbáturinn Jón Kjartansson á Skjálfanda í gær.

Guðbergur Rafn Ægisson og Fannar Reykjalín Þorláksson sigldu bátnum heim.

Björgunarskipið Sigurvin frá Siglufirði.

Fjölmenni fagnaði komu bátsins.

Vilhjálmur Pálsson og Birgir Mikaelsson formaður Björgunarsveitarinnar Garðars við bátinn.

Jón Gunnarsson fyrrverandi dómsmálaráðherra flutti ræðu.

Sr. Sólveig Halla blessaði bátinn.

Villi Páls með Jón Kjartansson utan á sér og Sigurvin við næstu bryggju.

Villi Páls með afkomendum.