Vambir ekki kýldar á Húsavík í bráð !

Vambir ekki kýldar á Húsavík í bráð ! Enda allir alltof feitir. Segja sérfræðingar. Og ekkert með veitingahús að gera . Segja sérfræðingar.

Vambir ekki kýldar á Húsavík í bráð !
Aðsent efni - - Lestrar 372

Sigurjón Benediktsson.
Sigurjón Benediktsson.

Vambir ekki kýldar á Húsavík í bráð ! Enda allir alltof feitir. Segja sérfræðingar. Og ekkert með veitingahús að gera . Segja sérfræðingar. 

Og því síður er gaman að hafa ferðamenn á Húsavík á haustmánuðum. Segja sérfræðingar. Tilefni áhuga þessara sérfræðinga er, að í síðustu viku lokuðu þrjú veitingahús á Húsavík. Skellt í lás fram á vor og vonandi lengur. Og sem betur fer samkvæmt áliti ofantalinna sérfræðinga.

Er þetta í réttu samhengi við framtíðarskipulag ferðaþjónustunnar með miðstöð á eyrinni Akra. Best væri að gististaðir lokuðu líka svo friður næðist á víkinni. Vambakýlarar geta bara farið til Akureyrar. Já er það ekki best! Það er ekkert með þetta ferðamannarugl að gera hér. Við höfum Nettó og Krambúðina, af hverju þurfum við eitthvað meira?

Nú er unnið hörðum höndum að leggja niður flugið til Húsavíkur. Þar koma að, bæði sérstakir sérfræðingar og sjálfstæðir stjórnmálamenn. Sérstaka athygli vekur vaskleg framganga sveitarstjórnar Norðurþings. Frábært að taka ekki þátt í neinum upphlaupum óþekktarorma og stjórnleysingja.

Mæli með að fjölga í sveitarstjórn hið snarasta svo einhverjir borgi útsvar hér í sveitarfélaginu. Starfið er líka yfirþyrmandi erfitt svo fleiri sveitarstjórnarfulltrúar geta létt róðurinn. Til hamingju með þetta allt íbúar Húsavíkurhrepps í Norðurþingi.Hvering væri bara að sameinast Tjörneshreppi!

Sigurjón Benediktsson Kaldbak.


  • Steinsteypir

640.is | Ábyrgðarmaður Hafþór Hreiðarsson | vefstjori@640.is | Sími: 895-6744