Vaktstjórar í þjálfun í Noregi

Bóbi, Óli, Hallur og Erla í Holla.

Öflug þjálfun starfsmanna PCC BakkiSilicon er mikilvægur liður í því að rekstur verksmiðjunnar gangi vel frá byrjun.

Húsvíkingarnir Kristbjörn Þór Jónsson, Erla Torfadóttir, Hallur Þór Hallgrímsson og Ólafur Hafsteinn Kárason eru nú í þjálfun í Holla í Noregi.

Þau munu starfa sem vaktstjórar í framleiðslu og í verksmiðjunni í Holla fá þau að kynnast ofnum í rekstri og leysa úr hindrunum sem koma upp.

Þau læra m.a. á töppun ofnanna sem og akstri skörungsbílsins svokallaða sem er notaður til að stuðla að góðri blöndun hráefna innan ofnsins. Að auki læra þau á rafskautin og hvernig er bætt á þau. 

Þessi þjálfun sem þau öðlast þarna er ómetanleg og mikil bót fyrir verksmiðjuna okkar og almenna verkferla innan hennar". Segir í tilkynningu en ætlunin er að þau verði ytra í sjö vikur.