Uppbyggingarsjóður Norðurlands eystra úthlutaði 100 milljónum

Ljósmynd Gaukur Hjartarson.

Í gær, 1. febrúar, úthlutaði Uppbyggingarsjóður Norðurlands eystra 100 milljónum króna til menningar, atvinnuþróunar og nýsköpunar á starfssvæði Eyþings. 

Sjóðurinn er samkeppnissjóður og veitir verkefnastyrki til menningarverkefna, atvinnuþróunar og nýsköpunar auk stofn- og rekstrarstyrkja til menningarmála.  Hann er hluti af samningi milli Eyþings og ríkisins um Sóknaráætlun Norðurlands eystra 2015-2019. 

Uppbyggingarsjóði bárust samtals 133 umsóknir, þar af 51 til atvinnuþróunar og nýsköpunar og 82 til menningar. 

Uppbyggingarsjóður samþykkti að veita 85 verkefnum styrkvilyrði að upphæð 100 mkr. Samtals var sótt um rúmlega 271 mkr.

 Ljósmynd Gaukur Hjartarson.

Yfirlit yfir styrkhafa má finna hér.