Trésmiðjan Rein fékk viðurkenningu fyrir stuðning við Völsung

Sigmar Stefánsson og Guðrún Kristinsdóttir

Íþróttafélagið Völsungur hefur veitt Trésmiðjunni Rein sérstaklega viðurkenningu fyrir góðan stuðning við félagið.

Sigmar Stefánsson framkvæmdarstjóri Trésmiðjunnar Rein veitti viðurkenningunni viðtöku fyrir hönd fyrirtækisins í gær á viðburðinum Íþróttafólk Völsungs sem fram fór í Skjálfanda, sal Fosshótels Húsavíkur.

Fram kom í máli Guðrúnar Kristinsdóttur formanns Völsungs að fyrirtækið hafi sýnt félaginu mikinn stuðning. Bæði í formi auglýsingasamninga og styrkja en einnig við uppbyggingu á félagsaðstöðu þess við Húsavíkurvöll.

Sigmar Stefánsson framkvæmdastjóri Trésmiðjunnar Rein og Guðrún Kristinsdóttir formaður Völsungs.