Þorsteinn Marinósson ráðinn framkvæmdastjóri Völsungs

Þorsteinn Marinósson.

Þorsteinn Marinósson íþróttafræðingur hefur verið ráðinn framkvæmdastjóri Völsungs.

Þorsteinn hefur verið framkvæmdastjóri Ungmennasambands Eyjafjarðar síðan 2006 og íþróttakennari við Naustaskóla frá 2013. Þorsteinn hefur m.a. reynslu af þjálfun yngri flokka í knattspyrnu og þjálfun frjálsra íþrótta. Þorsteinn er fjölskyldumaður og stefnir fjölskyldan á að flytja til Húsavíkur við fyrsta tækifæri.

Þorsteinn hefur verið fyrirferðarmikill í félagsstörfum og setið í hinum ýmsu nefndum og stjórnum. Hann hefur t.d. verið stjórnarmaður í Blakfélaginu Rimum, setið í ritstjórn Helga Magra (félagsblað Umf. Reynis), setið í stjórn Skíðafélags Dalvíkur, verið í stjórn foreldrafélags Árskógarskóla o.fl..

Þorsteinn er þegar farinn að setja sig inn í starf félagsins og kemur til þess að hitta Guðmund fráfarandi framkvæmdarstjóra og aðalstjórnina fimmtudaginn 21. september.

Á heimasíðu Völsungs er Þorsteinn boðinn velkominn til starfa hjá félaginu.