Þekkingarnetið útskrifaði tólf úr Félagsliðabrú

Þekkingarnet Þingeyinga útskrifaði sl. föstudag tólf nemendur úr Félagsliðabrú við hátíðlega athöfn á Fosshótel Húsavík. 

Frá þessu segir á heimasíðu Þekkingarnets Þingeyinga en þaðan er meðfylgjandi ljósmynd einnig fengin:

Athöfnin var aðeins minni í sniðum en upphaflega var áætlað til að tryggja að farið yrði eftir fjöldatakmörkunum. Hver nemandi mátti því aðeins bjóða einum aðila með sér.

Úr varð mjög skemmtileg og þægileg stund þar sem nemendur, fjölskyldumeðlimir, starfsfólk Þekkingarnetsins og nokkrir af kennurum komu saman og fögnuðu þessum flotta áfanga.

Félagsliðabrúar námið er sniðið að þörfum fólks sem starfar við umönnun aldraðra, sjúkra, fatlaðra og/eða við heimaþjónustu. Það er einingabært og kennt samkvæmt aðalnámskrá framhaldsskóla. Námið skiptist niður á fjórar annir og stendur því yfir í tvö ár.

Glæsilegur útskriftarhópur. Standandi f.h. Kristín Ragnarsdóttir, Svanhvít Jóhannesdóttir, Anita Hólm Sigurðardóttir, Einar Víðir Einarsson, Erla Rögnvaldsdóttir. Sitjandi f.h. Hólmfríður Sveinbjörnsdóttir, Ásta Petrína Benediktsdóttir, Bergljót Friðbjarnardóttir, Lilja Sigurðardóttir, Rannveig Þórðardóttir. Á myndina vantar Valgerði Friðriksdóttur og Anítu Dröfn Reimarsdóttir.