Tap í Vesturbænum

Jóhann Þórhallsson skoraði mark Völsunga í dag.

Völsungar fóru suður yfir heiðar í dag og léku gegn KV á KR-vellinum í 2. deildinni.

Völsungar eiga í harðri fallbaráttu við KV og Ægi og því var mikilvægt að ná sigri en það gekk ekki eftir. KV hafði betur, komst í 3-0 en Jóhann Þórhallsson minnkaði muninn á lokamínútunum með skoti úr aukaspyrnu.

Þegar tvær umferðir eru eftir sitja Völsungar í 10. sæti með 20 stig líkt og KV sem er í 19. sæti með hagstæðari markatölu. Ægir er með 18 stig í 11. sæti og KF situr á botninum með 11 stig.

Síðustu tveir leikirnir á tímabilinu eru gegn liðunum í fallsætunum og því er að duga eða drepast fyrir Völsunga:

17. sept. Völsungur - Ægir á Húsavíkurvelli.

24. sept. KF - Völsungur á Ólafsfjarðarvelli.