Tap gegn toppliðinu

Völsungar fagna markinu hans Bergs.

Eftir svekkjandi jafntefli gegn Sindra á Hornafirði um síðustu helgi tóku Völsungar á móti Aftureldingu á Húsavíkurvelli í dag.

Fótbolti.net segir svo frá leiknum:

Gestirnir byrjuðu betur og þegar 13 mínútur voru komnar á klukkuna skoraði Wentzel Steinarr R Kamban fyrir Aftureldingu og staðan 1-0. 

Þannig var hún í hálfleik, en í lok fyrri hálfleiks var Halldóri Orra Hjaltasyni, leikmanni Völsungs, vikið af velli með sitt annað gula spjald. 

Völsungar lögðu þó ekki árar í bát og í upphafi seinni hálfleiks jafnaði Bergur Jónmundsson, en það var ekki nóg fyrir heimamenn. 

Afturelding fékk víti um miðjan seinni hálfleikinn og úr því skoraði Alexander Aron Davorsson og þar við sat. 

2-1 sigur gestanna úr Mosfellsbænum og eru þeir með fullt hús stiga á toppi deildarinnar eftir þrjá leiki. Völsungur er í 10. sæti með tvö stig.

Hér koma myndir úr leiknum og með því að smella á þær er hægt að fletta þeim og skoða í stærri upplausn.

Bjarki Baldvinsson fyrirliði Völsungs á fleygiferð með boltann.

Sigvaldi Þór Einarsson bakvörður sækir að marki gestanna.

Olgeir Sigurgeirsson með boltann.

Aron Alexander Lárusson.

Arnþór Hermannsson í baráttu við leikmann Mosfellinga.

Halldór Orri Hjaltason gengur hér af velli eftir að hafa fengið sitt annað gula spjald og þar með rautt.

Bárðdælski turninn stekkur hæst og skallar að marki gestanna og inn fór boltinn.

Og því var að sjálfsögðu fagnað.

Bergur Jónmundsson í baráttu við Magnús Má Einarsson leikmann Aftureldingar.

Steinþór Már Auðunsson, Stubbur, markvörður Völsunga.

Eyþór Traustason varnarmaður Völsunga.

Sæþór Olgeirsson sækir að marki Aftureldingar.

Sindri Ingólfsson kom inn á í síðari hálfleik.

Elvar Baldvinsson útskrifaðist sem stúdent frá Framhaldsskólanum á Laugum í dag og brunaði eftir athöfnina í bæinn og kom inn á í síðari hálfleik.

Völsungar sækja að marki gestann undir lok leiksins.