Stórsigur hjá stelpunum í bikarnum

Hafrún skoraði fjögur mörk gegn Hetti.

Ágætlega var mætt á Húsavíkurvöll þrátt fyrir súldarveður þegar Völsungsstúlkur mættu Hetti í Borgunarbikarnum.

Völsungar byrjuðu af miklum krafti og ekki þurfti að bíða lengi eftir mörkum.

Hafrún Olgeirsdóttir skoraði fyrsta mark leiksins á 9. mínútu, hún skoraði alls fjögur mörk í leiknum.

Völsungar fengu víti á 23. mínútu og fór Harpa Ásgeirsdóttir á punktinn og skoraði af miklu öryggi, Arna Benný Harðardóttir og Lovísa Björk Sigmarsdóttir skoruðu svo sitt markið hvor.

Völsungur hafði yfirhöndina í leiknum allan tímann og áttu Hattarstúlkur ekkert í gríðarsterkt lið Völsungs.

Glæsilegur 7-0 sigur hjá stelpunum og þær eru því komnar áfram í Borgunarbikarnum þar sem ljóst er að bíður þeim verðugt verkefni.

Næsti leikur stelpnanna er fimmtudaginn 21.maí klukkan 19 þegar þær mæta Einherja.