18. apr
Sonja Björg með þrennu og Völsungur í úrslitÍþróttir - - Lestrar 264
Sonja Björg Sigurðardóttir í leik með Völsungi.
Völsungur sótti Gróttu heim á Seltjanranesið í dag er leikið var í undanúrslitum C-deildar Lengjubikars kvenna.
Það er skemmst frá því að segja að stelpurnar komu, sáu og sigruðu 3-2.
Á fésbókarsíðu Græna hersins segir:
Sonja Björg Sigurðardóttir fór hamförum og gerði þrennu en mikil og taugatrekkjandi spenna var eftir að Grótta minnkaði muninn í 3-2.
Stelpurnar skildu gjörsamlega allt eftir á vellinum og uppskáru farseðil í úrslitin! Vegna ferðar 3.flokks erlendis voru eingöngu 12 leikmenn á skýrslu hjá okkur í dag og þar á meðal ný lánsstúlka frá Þór/KA, Una Móheiður Hlynsdóttir. Sé hún ævinlega velkomin!
Alli Jói þjálfari var hrikalega sáttur með úrslitin, fannst liðið verðskulda meira forskot eftir fyrri hálfleik sem hefði haldið nöglum hans aðeins lengri í restina, en himinlifandi með að klára þetta og að stelpurnar fari í úrslit.
Völsungur mun mæta ÍA í úrslitunum.
Sonja Björg gerði þrennu í dag en hér sækir hún að marki KH á dögunum. Sonja Björg er á láni frá KA/Þór.
Með því að smella á myndina er hægt að skoða hana í hærri upplausn.
640.is á Facebook