Smári og Rúnar tefla til úrslita í kvöld

Í fréttatilkynningu segir að fyrri skák þeirra félaga hafi farið fram sl. sunnudag á Vöglum og endaði hún með jafntefli. Verði jafntefli líka í seinni skákinni verða tefdar tvær hraðskákir og svo bráðabani verði enn jafnt, til að skera úr um sigur í mótinu.

Allnokkrar líkur eru á því að einvígið fari í bráðabana þar sem þeir félagar hafa alltaf gert jafntefli þegar þeir hafa mæst við skákborðið fram að þessu

Í dag er Íslenski skákdagurinn, afmælisdagur Friðriks Ólafssonar fyrsta stórmeistara Íslendinga og því vel við hæfi að tveir af bestu skákmönnum Þingeyinga tefli til úrslita á Janúarmótinu.