Sjómannadagsráð afhenti björgunarsveitinni veglegan styrk

Birgir Mikaelsson og Sigurjón Sigurbjörnsson.

í lok ágústmánaðar kom Sjómannadagsráð á Húsavík á fund Björgunarsveitarinnar Garðars færandi hendi.

Sjómannadagsráð afhenti björgunarsveitinni 500.000 krónur sem eftir stóðu þegar búið var að gera Sjómannadaginn 2017 upp.

Í tilkynning frá björgunarsveitarmönnum segir að það sé ómetanlegt fyrir starf þeirra að fá svona styrki og ekki veiti af. Dýrt er að halda úti og reka svona starfsemi og reglulega þarf að endurnýja tæki og tól til að sveitin sé í stakk búin til að takast á við þau útköll sem á svæðinu verða.

"Við viljum þakka Sjómannadagsráði og öllum þeim sem hafa styrkt okkur kærlega fyrir og vonumst til að framhald verði á svo hægt sé að endurnýja fleiri tæki sem orðin eru gömul og þurfa endurnýjunar við". Segir í tilkynningunni en það var Birgir Mikaelsson sem tók við styrknum úr hendi Sigurjóns Sigurbjörnssonar.