Sjálfsafgreiðslustandur tekinn í notkun í móttöku HSN á Húsavík

Starfsfólk HSN við nýja sjálfsafgreiðslustandinn.

Heilbrigðisstofnun Norðurlands á Húsavík hefur tekið í notkun sjálfsafgreiðslustand við móttökuna.

Þar geta skjólstæðingar HSN skrá sig beint inn með kennitölu sinni og staðfesta þar með komu ásamt því að greiða þar um leið komugjald með greiðslukorti, þar sem það á við.

Á heimasíðu HSN segir að næsta skref sé að öll önnur gjöld sem sem tilheyra læknisþjónustunni verði einnig greidd á þennan hátt í sjálfsafgreiðslu.

Fleiri starfsstöðvar Heilbrigðisstofnunar Norðurlands munu fylgja í kjölfar Húsvíkinga og innleiða þessa viðbót í þjónustu sem væntanlega á eftir að reynast vel.