Sigur í fyrsta leik Lengjubikarsins

Sæþór skoraði þriðja mark Völsungs.

Meistaraflokkur karla lék sinn fyrsta leik í Lengjubikarnum í gær, sunnudag. 

Leikið var gegn Magna frá Grenivík og lauk leiknum með 3-1 sigri Völsungs.

Mörk Völsunga skoruðu Arnþór Hermannsson (2) og Sæþór Olgeirsson. (1).

Á heimasíðu Völsungs segir að Völsungar hafi spilað feikilega vel á stórum köflum í leiknum. Boltinn gekk vel á milli manna og sóknir Völsunga vel útfærðar. Leikurinn í heild einkendist af mikilli hörku, en Völsungur skoraði tvö marka sinna úr vítaspyrnum. Var þar að verki Arnþór Hermannsson, sem gekk til liðs við Völsunga á nýjan leik fyrir helgi. Heimildamaður síðunnar sagði ennfremur að Völsungar hefðu hæglega getað fengið fleiri vítaspyrnur í leiknum.

Magnamenn minkuðu muninn í 2-1 á 65. mínútu leiksins. Völsungur voru aftur á móti betri aðilinn í leiknum en áttu í erfiðleikum með að gera út af við leikinn. Þriðja markið kom ekki fyrr en á 86. mínútu þegar Sæþór Olgeirsson innsiglaði sigur Völsunga.

Næsti leikur strákanna er sunnudaginn 22. mars í Boganum.

Stöðuna í riðlinum og leikjaplan má nálgast inná heimasíðu KSÍ HÉR.

Arnþór Hermannsson er genginn á ný til liðs við Völsung og skoraði úr tveim vítaspyrnum í fyrsta leik. Hér tekur hann vítaspyrnu á Húsavíkurvelli.