Sigrar hjá Völsungi

Bæði karla- og kvennalið Völsungs í knattspyrnu unnu sína leiki í síðustu umferð.

Stelpurnar léku gegn Hömrunum í Boganum á Akureyri sl. fimmtudagskvöld og byrjuðu leikinn með látum þegar Hafrún Olgeirsdóttir skoraði strax 3. mínútu leiksins. 

Þær bættu svo reglulega við mörkum og þegar upp var staðið unnu þær leikinn 8-0.

Mörkin skoruðu Hafrún, sem setti þrjú og öll í fyrri hálfleik, og Arna Benný Harðardóttir, Harpa Ásgeirsdóttir, Amanda Mist Pálsdóttir, Helga Björk Heiðarsdóttir og Berglind Ósk Kristjánsdóttir eitt mark hver.

Strákarnir léku gegn Berserkjum á Húsavíkuvelli sl. laugardag og höfðu skorað þrjú mörk gegn einu marki gestanna þegar yfir lauk.