Sex leikmenn skrifa undir samninga við Völsung

Sex leikmenn skrifuðu undir í dag.

Mikil ánægja ríkir í herbúðum Völsungs eftir að öflugir strákar í meistarflokki karla í knattspyrnu sýndu uppeldisfélagi sínu tryggð með undirskriftunum í dag.

Á heimasíðu félagsins segir að um sé að ræða nokkuð leikreynda kappa, þrátt fyrir nokkuð breitt aldursbil, sem eiga það sameiginlegt að vilja alltaf ná lengra og bæta sig og sitt lið.

Með samningunum staðfesta þessir öflugu leikmenn trú sína á því góða starfi sem unnið er hjá Völsungi og auðvitað að sama skapi leggur félagið traust sitt á leikmennina og gerir miklar væntingar til þeirra.

Með undirskriftum dagsins styttist í að samningamál félagsins við núverandi hóp verði kláruð og er það ánægjuefni hversu vel hefur tekist til. Mikil ánægja er með hvernig tekist hefur til og góð mynd er að komast á leikmannahópinn.

Leikmennirnir sem skrifuðu undir í kvöld eru:

Guðmundur Óli Steingrímsson - þaulreyndur leikmaður sem leikið hefur með Völsungi, KA og Þór. Færir mikla reynslu og gæði inn í hópinn okkar. Fæddur 1986.

Elvar Baldvinsson - einnig reynslumikill leikmaður þrátt fyrir ungan aldur. Fæddur 1997.

Sindri Ingólfsson - einn af þeim sem fæddist með grænt hjarta og gríðarlega öflugur félagsmaður sem og leikmaður. Fæddur 1994.

Ásgeir Kristjánsson - Eldfljótur sóknarmaður sem á klárlega framtíðina fyrir sér í boltanum. Fæddur 1998.

Arnþór Hermannsson - Þrátt fyrir ungan aldur á Arnþór mörg tímabil að baki í meistaraflokki. Hæfileikaríkur og býr yfir reynslu. Hefur mikla reynslu með Völsungi og Þór. Fæddur 1993.

Eyþór Traustason - Einn af þessum hörðu nöglum sem alinn er upp í Völsungi. Hæfileikaríkur dugnaðarforkur sem hjálpar liðinu mikið. Fæddur 1995.

Samningarnir gilda til tveggja ára.

Standandi fv. Elvar Baldursson, Sindri Ingólfsson, Ásgeir Kritsjánsson, Arnþór Hermannsson og Eyþór Traustason.

Sitjandi eru Haukur Eiðsson í knattspyrnuráði og Guðmundur Óli Steingrímsson sem kominn er á ný til félagsins.