Sæþór með þrennu gegn Fjarðarbyggð

Sæþór skoraði þrennu gegn Fjarðarbyggð.

Völsungur lék sinn síðasta leik í Kjarnafæðismótinu í gær þegar strákarnir sigruðu Fjarðabyggð 5-2 en leikið var í Boganum. 

Staðan var jöfn 1-1 í hálfleik, Fjarðarbyggð komst yfir á eftir korters leik en Bergur Jónmundsson jafnaði fimm mínútum síðar.

Sæþór Olgeirsson kom Völsungi yfir þegar tæpur stundarfjórðungur var liðinn af síðari hálfleik en austfirðingarnir jöfnuðu fjórum mínútum síðar.

Sæþór var í stuði og kom Völsungi aftur yfir skömmu síðar og fullkomnaði svo þrennuna á 73. mínútu og staðan orðin 4-2 fyrir þá grænu.

Rúnar Þór Brynjarsson bætti svo fimmta markinu við í uppbótartíma og 5-2 sigur í höfn.

Fjarðarbyggð-Völsungur 2-5

1-0 Marteinn Þór Pálmason ('15) 
1-1 Bergur Jónmundsson ('20) 
1-2 Sæþór Olgeirsson ('58) 
2-2 Adam Örn Guðmundsson ('62) 
2-3 Sæþór Olgeirsson ('65) 
2-4 Sæþór Olgeirsson ('73) 
2-5 Rúnar Þór Brynjarsson ('92)