Rokka til styrktar langveikum börnum

Tónasmiðjan í góðum gír á dögunum.

Tónleikasýningin Hetjur mun hljóma í Húsavíkurkirkju nk. sunnudag kl. 17 en þar mun Tónasmiðjan rokka til styrkar Umhyggju, félagi langveikra barna.

Á tónleikunum koma saman flytjendur á ýmsum aldri, einsöngvarar, bakraddir og hljómsveit en heiðursgestir verða Íris Hólm og Siggi Ingimars. 

Á tónleikunum verða m.a flutt lög eftir Elvis Presley, Bríet, Bon Jovi, Írafár, Janis Joplin, Queen og Abba.

Félagar úr Tónasmiðjunni léku við hvurn sinn fingur þegar hjálmaafhending Kiwanismanna fór fram í vorblíðunni á dögunum.