Ragnar og Róbert semja við Völsung

Þjálfararnir ásamt framkvæmdastjóra Völsungs.

Ragnar Haukur Hauksson skrifaði nú í kvöld undir samning við Völsung um þjálfun á meistaraflokki karla fyrir komandi tímabil.

Ragnar tekur við liðinu frá og með undirskrift og mun hann stýra liðinu í Kjarnafæðismótinu sem að fram fer í Boganum í janúar.

Á heimasíðu Völsungs segir að það sé mikill fengur fyrir félagið að fá svo reynslumikinn mann til að vinna með hið unga lið Völsungs en Ragnar á glæsilegan feril að baki sem leikmaður með KS, KS/Leiftri, KF, ÍA , Þór og Magna.

Sem þjálfari hefur hann stýrt sameiginlegu liði KS/Leifturs og nú síðustu 2 ár hefur hann stýrt 2.flokki Þórs.

Þá handsalaði Róbert Ragnar Skarphéðinsson samning um að þjálfa kvennalið félagsins á komandi tímabili en hann var aðstoðamaður Jóhanns Rúnars Pálssonar á síðasta tímabili.