Opna Húsavíkurmótið í Boccia glæsilegt að venju

Opna Húsavíkurmótið í Boccia fór fram í íþróttahöllinni í gær og var að venju um glæsilegt mót að ræða.

Mótið,sem orðinn er fastur liður í starfi Boccideildar Völsungs, er haldið með góðum stuðningi Kiwanisklúbbsins Skjálfanda, sem annast alla dómgæslu, merkingu valla, og kemur að öllum undirbúningi mótsins.

Mótinu stýrðu Bragi Sigurðsson og Kristín Magnúsdóttir úr stjórn Bocciadeildar.

Mótið tókst í alla staði afar vel, góð þátttaka en í allt mættu til leiks 34 sveitir sem sýnir enn einu sinni að bæjarbúar og fyrirtæki eru tilbúin að styðja við bakið á Bocciadeildinni með þátttöku, en þetta er fjáröflun fyrir deildina í formi firmakeppni.

Þá var í fyrsta sinn liður sem var keppni í krakkaflokki fatlaðra og tókst það með ágætum, en krakka-boccia hófst hjá deildinni nú á þessu ári.

Úrslit:

1. sæti,  F-sveit heldriborgara, Frida Jóhannesdóttir og Sigrún Hauksdóttir. Verðlaun, ferð fyrir tvo Húsavík-Reykjavík-Húsavík með Flugfélaginu Ernir.

2. sæti, Sveit frá Norðurþingi, Timon og Pumbaa, Kristbjörn Óskarsson. og Guðbjartur E. Jónsson. Verðlaun, gjafabréf drá Skóbúð Húsavíku og Bodylotion frá Lyfju.

3. sæti, A-sveit frá Landsbankanum, Bergþór Bjarnason og Guðný Rikharðsdóttir. Verðlaun, frá Miðjunni, tveir „Hemmi gleðigjafi“

Einnig var spiluð úrslit um 4-6 sætið:

4. sæti Sveit úr Bárðardal, Öræfabræður, Ásgrímur og Kristján frá Lækjavöllum. Verðlaun, gjafabréf frá Hamborgara-fabrikkunni.

5. sæti  Sveit frá Norðlenska, „Arsenal“, Rúnar Þór og Ágúst Þór Brynjarssynir. Verðlaun frá Bókaverslun Þórarins, kertastjakar.

6. sæti  Sveit frá Viðbót, Bakkabræður,  Ragnar Þór og Brynjar Örn. Verðlaun frá Salka –veitingar, 12“ pizzur m.öllu

Húsavíkurmeistararnir í Boccia 2014, F-sveit heldriborgara, Frida Jóh. og Sigrún Hauksdóttir hlutu að launum glæsilegan farandbikar sem gefin var af Norðlenska ehf og var nú keppt um í þriðja sinn.

Þá voru veitt sérstök verðlaun þeim fyrirtækjum sem voru “í flottasta búningunum”, verðlaun gjafabréf frá Heimabakaríinu, en þau hlutu „Eldhúsdömurnar á HÞ“, Sylgja og Sigga Hauks.

Verðlaun öll voru glæsileg, og sýnir hug fyrirtækja til Bocciadeildarinnar og Kiwanis, og er þeim þakkað fyrir frábæran stuðning.

Mótið var afar skemmtilegt og tókst í alla staði mjög vel, mikil stemming, og spenna. og þurfti oft bráðabana til að útkljá leiki.

Glæsilegt mót með um 74 keppendur og gestir í íþróttahöllinni þegar mest var um 150, frábær og skemmtilegur dagur. Takk fyrir húsvíkingar og aðrir gestir, sjáumst hress að ári á næsta „Opna Húsavíkurmóti í Boccia.

16/2.2014/EO

Með því að smella á myndirnar, sem Gunnar Jóhannesson tók, má fletta þeimog skoða í stærri upplausn.

Og það sama á við þessar myndir Gauks Hjartarsonar af keppendum í Krakka-Boccia.

Hildur Sigurgeirsdóttir er alveg komin með tökin á þessu.

Sigþór Orri sýndi snilldartakta.

Ásrún Vala horfir einbeitt á svip á eftir kúlunni.

Sindri lætur kúluna vaða.