Ófærð gefið langt nef fyrir tónlistina

14. apr

Ófærð gefið langt nef fyrir tónlistina
Fréttatilkynning - - Lestrar 593

Guðmundur Svafarsson ásamt Hreimsmönnum.

Það er óskandi að veðurguðirnir verði samvinnuþýðari við tón-leikagesti á síðari afmælis-tónleikum Karlakórsins Hreims og Ljótu hálfvitanna, sem verða í Háskólabíói næstkomandi laugardag.

Ekki það að gestir á þeim fyrri hafi látið stórhríð og ófærð á Norðurlandi aftra sér að brjótast í Ýdali og berja þetta sérkennilega stefnumót augum og eyrum. Húsfyllir varð og gestir í salnum allt frá Eyjafirði til Austfjarða skemmtu sér hið besta.

Á efnisskránni voru hefðbundin karlakóralög, sum flutt með þátttöku Hálfvitanna, en einnig fluttu þeir ljótu eigin lög, sum með dyggri aðstoð kórsins. Á laugardaginn verður svo leikurinn endurtekinn sunnan heiða.

Enn er hægt að tryggja sér miða í Háskólabíó á midi.is. Tónleikarnir hefjast kl. 15 og langtímaspáin hljóðar upp á hlýindi.