Ný fylling komin í gervigrasvöllinn við Reykjahlíðarskóla

Dekkjakurlið á sparkvellinum við Reykjahlíðarskóla var fjarlægt í fyrradag og í staðinn er komin græn EPDM fylling sem uppfyllir nýjustu kröfur frá KSÍ. 

Þessi fylling hefur verið notuð af Reykjavíkurborg á nýja velli hjá KR, Fylki og Víking að undanförnu.

Fyrirtækið Altis sá um að fjarlægja dekkjakukurlið og setja nýju fyllinguna í staðinn en gummúkurlið hefur verið talið heilsuspillandi. Mátu starfsmenn Altis jafnframt ástand gervigrassins mjög gott.

Á heimasíðu Skútustaðahrepps segir að þetta séu mikil gleðitíðindi fyrir nemendur og alla þá sem hafa nota gervigrasvöllinn því gamla gúmmíkurlið hefur litað fatnað, skó og bolta. Nýja fyllingin á  að halda sér betur í vellinum og því minnka líka þrif í skólum og heima fyrir. 

Hér má lesa ítarlegri upplýsingar um nýju grænu fyllinguna