Norðurþing hlýtur JafnlaunavottunAlmennt - - Lestrar 258
Norðurþing hlaut á dögunum formlega jafnlaunavottun, en það er vottun þess að Norðurþing starfrækir launakerfi sem stenst kröfur jafnlaunastaðalsins ÍST 85:2012.
Í frétt á heimasíðu Norðurþings segir að formlegum úttektum hafi lokið þann 12. febrúar sl. og var það vottunarstofan iCert sem framkvæmdi úttektina.
Í úttektarskýrslu kemur fram að vottunin er veitt án frávika og/eða athugasemda.
"Jafnlaunakerfi Norðurþings nær til allra starfsmanna Norðurþings en kerfið er samansafn af ferlum, launaviðmiðum, skjölun, verklagi og fleiru til að tryggja að málsmeðferð og ákvarðanataka í launamálum feli ekki í sér kynbundna mismunun.
Norðurþing leggur áherslu á að fylgja ákvæðum laga um jafna stöðu og jafnan rétt kvenna og karla og vísast í því sambandi til jafnréttisstefnu, launastefnu og jafnlaunastefnu sveitarfélagsins á vef þess". Segir í fréttinni.
Sjá hér: https://www.nordurthing.is/is/stjornsysla/skjol-og-utgefid-efni/stefnur-og-markmid
640.is á Facebook