Norðursigling styður áfram við knattspyrnuna

Víðir Svansson og Guðbjartur Ellert Jónsson.

Í morgun skrifuðu Norðursigling og knattspyrnudeild Völsung undir áframhaldandi samstarf til þriggja ára.

Samstarfssamningurinn felur í sér að Norðursigling styður knattspyrndudeildina fjárhagslega með árlegum greiðslum.

Á móti verður fyrirtækið sýnilegt í formi auglýsinga á búningum bæði kvenna- og karlaliðs Völsungs sem og á Húsavíkurvelli.

Víðir Svansson fulltrúi knattspyrnudeildar og Guðbjartur Ellert Jónsson framkvæmdastjóri Norðursiglingar takast í hendur eftir að hafa gengið frá samningnum í morgun.