Norðurlandsmót kvenna í blaki í höllinni

Að sögn Jónu Matt. taka alls 18 lið þátt í mótinu en keppt er í þremur deildum. Liðin koma allt frá Hvammstanga til Mývatnssveitar en Völsungur á fjögur lið í mótinu, þrjú í fyrstu deild og eitt í þriðju deild.

Áætluð mótslok eru kl. 18 og eru allir velkomnir til að koma í Íþróttahöllina á Húsavík og fylgjast með skemmtilegum leikjum.

Fyrri umferð mótsins var spiluð í nóvember á Siglufirði en vert er að geta þess að Öldungamótið í blaki fer í ár fram á Tröllaskaga, Dalvík, Ólafsfirði og Siglufirði í lok aprílmánaðar.