Nítjánda Nýársmót Völsungs í blaki fer fram um helgina

Blakarar úr Völsungi á góðri stundu.

Nýársmót Völsungs í blaki verður haldið í Íþróttahöllinni um helgina en þetta er í nítjánda skipti sem það er haldið.

Fyrsta mótið var haldið 1996 og því óhætt að segja að það hafi fest sig í sessi en margir blakarar hafa tekið þátt í þeim öllum.

Mótið hefst kl. 19:45 á föstudagskvöld og verður blakað fram eftir kveldi og síðan frá kl. 8:00 á laugardagsmorgninum og fram undir kvöldmat. 

Einnig verða nokkrir leikir spilaðir á Ýdölum eða milli kl. 08 og 12.30 á laugardeginum en það eru 32 lið skráð til leiks og leikirnir ríflega 80 talsins. Allflestir þátttakendur í mótinu eru 30 ára og eldri.