Magnaður sigur á Stjörnunni - Tap fyrir KA

Leikurinn endaði 3-2 fyrir Völsung eftir um tveggja tíma rimmu.

 

Allar hrinurnar voru hnífjafnar og gríðarleg barátta í báðum liðum. Völsungar mættu grimmar til leiks með sterkar uppgjafir og voru jafnframt gríðarlega einbeittar bæði í vörn og sókn sem skilaði sér í sigri í fyrstu 2 hrinunum.

 

Stjörnustúlkur bitu hressilega frá sér í næstu tveimur hrinum og jöfnuðu leikinn í 2 -2 . Lokahrinan var æsispennandi og endaði 15-11 fyrir Völsung við mikil fagnaðalæti 130 stuðningsmanna í höllinni.

 

Þessi leikur var frábær skemmtun frá upphafi til enda og tilþrifin hjá báðum liðum í hæsta gæðaflokki í vörn og sókn. Það er  greinilegt að hinn ítalski þjálfari Völsunga Lorenzo Sciansio er að gera frábæra hluti með Völsungsliðið sem hefur nú unnið báða heimaleiki sína í deildinni á nýju ári.

 

Á föstudag léku Völsungur gegn KA í Mizunodeild kvenna á Akureyri. Bæði lið fengu til sín erlenda leikmenn á dögunum. Caila Stapleton, bandarískur uppspilari gekk til liðs við KA og hin ítalska Michelle Traini fór til Völsungs.

 

 

KA stúlkur byrjuðu leikinn með látum og komust í 7-0 og héldu forystunni til loka hrinunnar sem endaði 25-19. Heimastúlkur byrjuðu aðra hrinu einnig betur en Völsungur var aldrei langt undan og náði að jafna nokkrum sinnum. Þær náðu þó ekki að fara fram úr KA stúlkum fyrr en í lok hrinunnar 23-22 og kláruðu 26-24 og leikurinn þar með orðinn jafn. Mikið var af mistökum hjá báðum liðum undir lokinn en 8 síðustu stig hrinunnar komu öll vegna mistaka.

Þriðja hrina þróaðist svipað og sú fyrsta, en KA stúlkur byrjuðu betur og juku smám saman forskotið út hrinuna sem endaði 25-17. Völsungur komst yfir 1-0 í fjóðru hrinu og var það í eina skiptið sem þær voru yfir í hrinunni. KA átti marga góða kafla sem Völsungur náði ekki að stoppa í hrinu sem endaði 25-20.

Stigahæstar í liði KA voru Hulda Elma Eysteinsdóttir með 17 stig og Unnur Árnadóttir með 13. Sladjana Smiljanic car stigahæst hjá Völsungi með 14 stig og nýliðinn Michelle Traini var með 11.