Mærudagar 2025 – Allur bærinn með!

Litríkasta og skemmtilegasta bæjarhátíð landsins er að bresta á! Mærudagar 2025 fara fram núna um helgina, 25.–27. júlí og við hvetjum alla bæjarbúa til að mæta, skreyta sig, taka þátt og gera hátíðina að því sem hún á að vera – samverustund, gleði og líf í bænum okkar.

Við viljum líka minna á að öllum gestum nær og fjær er boðið hjartanlega velkomin því Mærudagar eru ekki bara fyrir Húsvíkinga heldur alla sem vilja njóta saman góðrar stemningar við sjóinn.

Taktu þátt og upplifðu hápunktana – FRÍIR viðburðir fyrir alla!

Dagskráin er fjölbreytt og hlaðin gleði með fjölda frírra viðburða fyrir alla aldurshópa í bland við aðra viðburði þar sem kostnaður er hóflegur.

Sérstaka athygli vekja tveir glæsilegir hápunktar hátíðarinnar, sem eru bæði gjaldfrjálsir og opin öllum:

Barnafjör á Bryggjunni – laugardag kl. 15:00–16:15
Leikur, dans, tónlist og gleði með þátttöku barna og fjölskyldna, í boði Landsbankans, Landsvirkjunar, GeoSea, Víkurrar og Sjóvár.

Mærudagstónleikarnir á laugardagskvöldi kl. 20:00–00:00

Stórtónleikar á Bryggjunni með Elvari og Guðna Braga, Johnny King, St. Pete, ISSI og lokaatriði með Færiðbandinu ásamt Stebba Hilmars og Helgu Möller. Þetta verður kvöld sem enginn má missa af – undir berum himni og við hafið!

Dagskráin byrjar föstudaginn 25. júlí

Hátíðin hefst með skrúðgöngu kl. 18:30 frá Völsungsvelli niður á Hafnarstétt og setningu hátíðarinnar kl. 19:00, þar sem sveitarstjóri Húsavíkur, Katrín Sigurjónsdóttir, heldur ávarp. Þá verða einnig veitt umhverfisverðlaun Norðurburðings og tónlistaratriði frá Einari Óla og Johnny King sjá til þess að stemningin verði til fyrirmyndar.

Froðurennibraut – laugardag kl. 13:00–13:30 við sundlaugina

Skemmtilegt, spriklandi froðufjör fyrir börn (og hressa fullorðna!) í boði Slökkviliðs Húsavíkur. Frítt og frábært!

Mæruhlaup – sunnudag kl. 15:00–16:00

Krakkahlaup um bæinn í leit að litríku mærunum, þar sem þátttakendur fá verðlaun og glaðning. Frítt og opið öllum!

Fleira að sjá og upplifa

Dagskráin er þéttskipuð og í bland við fríar fjölskyldustundir eru einnig tónleikar á veitingastöðum, bílasýningar, sundlaugapartý, spádómar, hundaganga, leiklistarviðburðir og margt fleira.

Hátíðin hefst með skrúðgöngu og setningu á föstudegi og lýkur með hlýju brosi og samveru á sunnudag.

Það skiptir öllu máli að bæjarbúar taki þátt og fylli bæinn af lífi, hlátri og litum. Mætum í gönguna, syngjum með á Bryggjunni, rennum okkur í froðunni og finnum mærunar saman!

Við sköpum Mærudaga saman og allir eru velkomnir með – þar sem bæjarandinn og gleðin ráða ríkjum við sjóinn!

Hvetjum alla gesti til að merkja okkur á samfélagsmiðlum #Mærudagar - @maerudagarhusavik 

Hér má nálgast dagskrá Mærudaga.