LNS Saga í heimsókn á Hvalasafninu

Jarðgangaflokkur LNS Saga.

Jarðgangaflokkur verktakafyrirtækisins LNS Saga heimsótti Hvalasafnið í gær. 

Á heimasíðu safnsins segir að hópurinn hafi verið áhugasamur um safngripina og allt sem viðkemur hvölum. Það hefði verið ánægjulegt að finna fyrir áhuga starfsmanna LNS á þeirri afþreyingu sem í boði er á Húsavík. Starfsmennirnir dvelja í vinnubúðum á Húsavík í allt að tvö ár við vegtenginguna frá iðnaðarsvæðinu að Bakka að hafnarsvæðinu og einnig við hafnargerðina sjálfa.

Það var Sturla Fanndal Birkisson sem fór fyrir starfsmönnum LNS Saga en hann á ættir sínar að rekja úr Mývatnssveit og Húsavík.

Jarðgangaflokkur LNS Saga í Hvalasafninu í gær.