Ljúf baðstofustund með Heilsutríóinu

Baðstofustund í Sjóminjasafninu.

Í gærkvöldi sannaðist hið fornkveðna "þröngt mega sáttir sitja", þegar 140 manns sóttu tónleika Heilsutríósins í Sjóminjasafninu.

Tónleikarnir voru hluti viðburðardagskrár sem Menningarmiðstöð Þingeyinga hefur staðið fyrir frá því í sumar og fékk nafnið Baðstofustundir.

Tónleikar Heilsutríósons voru lokahnykkir Baðstofustunda en í fyrrakvöld voru þau með tónleika í Skjálftasetrinu á Kópaskeri.

Á tónleikaskrá Heilsutríósins var fjölbreytt blanda af gömlum, nýrri og jafnvel "verðandi" þjóðlögum. Allt frá Snorra Eddu til nútímans og drynjandi trumbusláttar til blíðrar þverflautunnar.

Með því að smella á myndirnar má fletta þeim og skoða í stærri upplausn.

Heilsutríóið, fv. Ásgeir Böðvarsson, Daníel Borgþórsson, Edda Björg Sverrisdóttir og Unnsteinn I. Júlíusson.