Lilja Berglind forstöðumaður Þekkingarnetsins

Lilja Berglind Rögnvaldsdóttir.

Lilja Berglind Rögnvaldsdóttir hefur tekið við starfi forstöðu-manns Þekkingarnets Þingeyinga.

Óli Halldórsson forstöðumaður Þekkingarnetsins fór í námsleyfi frá störfum 15. ágúst sl. og stendur leyfið fram á næsta ár. 

Lilja Berglind mun því sinna starfi forstöðumanns þar til Óli kemur aftur til starfa.

Lilja Berglind hefur starfað um árabil hjá Þekkingarnetinu, m.a. við rannsóknir og stjórnunarstörf og hefur verið staðgengill forstöðumanns undanfarin ár.