LH frumsýndi Dýrin í Hálsaskógi

Mikki refur ásælist hér piparkökurnar.

Leikfélag Húsavíkur frumsýndi í gær Dýrin í Hálsaskógi eftir Torbjörn Egner í Samkomuhúsinu.

Leikritið er sígilt og fjallar um baráttu dýranna í skóginum og löngun þeirra til að vera vinir og lifa saman í sátt og samlyndi

Leikstjóri er Jenný Lára Arnórsdóttir. Tónlistarstjóri er Sigurður Illugason og skipar hann hljómsveitina ásamt Kristjáni Halldórssyni og Adrienne Davis.

Æfingar hafa staðið yfir undanfarnar vikur og að sögn Auðar Jónasdóttur formanns LH er búið að vera mikið lif og fjör hjá hópnum sem blandaður er af ungum og óreyndum leikurum og reynsluboltum LH.

20 leikarar koma fram í sýningunni og með hlutverk Mikka refs fer Jón Ásþór Sigurðsson og Ófeigur Óskar Stefánsson fer með hlutverk Lilla klifurmúsar.

Með önnur helstu hlutverk fara Unnur Erlingsdóttir sem leikur Hérastubb bakara, Kristný Ósk Geirsdóttir leikur bakaradrenginn , Kolbrún Ada Gunnarsdóttir leikur Bangsamömmu, Kristján Önundarson er Bangsapabbi og Friðrik Marinó Ragnarsson er Marteinn skógarmús.

Sýningin er fjörug og skemmtileg og þá er sviðið, sem hannað er af Sveinbirni Magnússyni, snilldin ein.

Hér koma nokkrar myndir sem ljósmyndari 640.is tók á æfingu skömmu fyrir frumsýningu og með því að smella á þær er hægt að fletta þeimog skoða í stærri upplausn.

Mikki refur.

Lilli klifurmús.

Hérastubbur bakari að kenna bakaradrengnum að baka piparkökur.

Þegar piparkökur bakast.

Bangsamamma, Hérastubbur bakari og bakaradrengurinn.

Mikki refur í þann mund að smakka piparköku.

Marteinn skógarmús og amma hans.

Bangsapabbi og Bangsamamma.

Bangsamamma að baða eitt bangsabarnið.

Marteinn skógarmús og Lilli klifurmús.

Marteinn skógarmús og Lilli klifurmús í heimsókn hjá bangsafjölskyldunni.

Sungið undir stóra trénu.

 Öll dýrin í skóginum eiga að vera vinir.