Kröfu Landverndar og Fjöreggs um ógildingu hafnað

Framkvæmdaleyfi fyrir Kröflulínu 4 í Skútustaðahreppi stendur – úrskurðarnefnd umhverfis- og auðlindamála hafnaði í dag kröfu Landverndar og Fjöreggs um að leyfið yrði fellt úr gildi.

Í fréttatilkynningu frá Landsneti segir að mat nefndarinnar sé að sveitarfélagið hafi staðið rétt að útgáfu framkvæmdaleyfis fyrir Kröflulínu 4. 

Með þessari niðurstöðu er allri óvissu um framkvæmdaleyfi Þeistareykjalínu 1 og  Kröflulínu 4 eytt og öll framkvæmdaleyfi á leiðinni í gildi. 

Framkvæmdir við línurnar hefjast aftur eftir páska.

Hér er hægt að nálgast úrskurðinn.