Konungur ljónanna í Borgarhólsskóla

Konungur ljónanna.

Nemendur sjöunda bekkjar Borgarhólsskóla hafa undanfarna daga sýnt Konung ljónanna á skólasamkomu skólans. 

Ljósmyndari 640.is sá sýninguna í gær en hún byggir á söngleik sem segir frá ljónsunganum Simba sem á að taka við af föður sínum sem konungur ljónanna.

Skari, föðurbróðir Simba, reynir að komast í hásætið sjálfur og beitr til þessa ýmsum brögðum. Simbi neyðist til að flýja konungsríkið og kynnist þá fjörkálfunum Tímoni og Púmba. En lokauppgjörið við Skara er óumflýjanlegt...

Ásta Magnúsdóttir sá um leikstjórn en hér að neðan eru myndir frá sýningunni í gær og með því að smella á þær er hægt að fletta þeim og skoða í stærri upplausn.