Kári lagður að velli

Sæþór Olgeirsson skoraði mark Völsunga.

Völsungur atti kappi við lið Kára frá Akranesi á Húsavíkurvelli í dag og hafði betur.

Var leikið á aðalvellinum og var þetta fyrsti leikurinn á grasi þetta sumarið.

Var um hörkuleik að ræða og eina mark hans kom ekki fyrr en 5 mínútum fyrir leikslok.  

Þar var á ferðinni Sæþór Olgeirsson sem komið hafði inn á sem varamaður snemma í seinni hálfleik. Fékk stungu inn fyrir og kláraði með stæl.

Allnokkur fjöldi gulra spjalda fór á loft í leiknum og áttu heimamenn sjö þeirra og gestirnir fimm. Þá fékk Stefán Jón Sigurgeirsson rautt spjald þar sem hann sat á varamannabekknum.

Völsungur er áfram í fimmta sæti 3. deildar með 16 stig.