Jónas Halldór og Sæþór skrifuðu undir samning við Völsung

Sæþór ásamt Kjartani Páli við undiskriftina.

Jónas Halldór Friðriksson og Sæþór Olgeirsson skrifuðu nýverið undir samning við 2. deildarlið Völsungs í knattspyrnu.

Jónas þekkir vel til hjá Völsungi enda er hann uppalinn hjá félaginu og hefur leikið í græna búningnum megnið af sínum ferli. Jónas spilar ýmist sem varnar eða miðjumaður og er það mikill fengur að tryggja reyndari menn inn í okkar unga lið.

Sæþór er ungur og efnilegur framherji sem er að gera sinn fyrsta samning við Völsung. Sæþór er búin að vera spila sínu fyrstu leiki með meistaraflokki í Kjarnafæðimótinu. Þar hefur Sæþór staðið sig vel og náð að skora sín fyrstu mörk fyrir meistaraflokk. Markanefið virðist vera í þessari ætt en Hafrún systir Sæþórs er mikill markahrókur sem spilar nú með liði Þórs/KA. (volsungur.is)