Jarmað og hlegið á Raufarhöfn

Níels Árni Lund og Logi Bergman. Lj. framsyn.is

Það var bæði jarmað og hlegið á Hrútadeginum á Raufarhöfn sem fram fór síðastliðinn laugardag.

Á vef Framsýnar segir að venju hafi mikið verið lagt upp úr deginum sem var hinn skemmtilegasti í alla staði.

Veðrið frábært og virkilega góður andi ríkjandi á svæðinu. Þó nokkuð af hrútum voru seldir á staðnum og greiddu kaupendur allt að kr. 62.000 fyrir kosta gripi. Til viðbótar var m.a. boðið upp á veitingar, sölu á minjagripum, kjötmat, smölun með smalahundum og stigvélakast sem Sveinn Aðalsteinsson sigraði en hann keppti fyrir Húsavík og fékk hann pela með vönduðu víni í verðlaun.

Logi Bergmann fjölmiðlamaður stjórnaði samkomunni eins og hann hefði aldrei gert annað um daganna. Níels Árni Lund frá Miðtúni var honum til aðstoðar við hrútauppboðið.

Sjá myndir